یئنی ایل بایرامینیز، ارگنه کن بایرامینیز
باهار بایرامینیز، اوغوز بایرامینیز
موتلو، اوموتلو و قوتلو اولسون
ارگنه کون بایرامی بوتون تورک میللتینه،
اوزه للیکله بوتوو آذربایجان خالقینا موبارک اولسون
گئچن ایلده آذربایجان میللی حرکتی نین چوخ بویوک باشاریلاری اولدو. مای آیی نین بیرینجی ایل دونومو بیر چوخ شهرلریمیزده میللی قیاملار کیمی قوتلاندی، بابک قالاسینا یوروش، رژیمین باسقی سینا معروض قالسادا یاپیلدی، مهر آیی نین بیرینده فاشیزمه قارشی اعتیراضلار اولدو، سونرا ستارخان مراسیمینده توپلاندیق، 21 آذرین موتلولوقونو و کدرینی برابر یاشادیق، دونیا آنادیلی گونونده و آیریجا خوجالی فاجیعه سی نین ایل دونوملرینده آنادیلیمیز و آناوطنیمیز ایچین فاشیستلرین قارشیسندا موجادله وئردیک. آما کسینلیکله گلجک ایلده داها گوجلو، داها صمیمی و داها موتحید اولاراق میللی حرکتیمیز یولوندا جاندان باشدان گئچرک، چالیشاجاییق.
گئچن ایلده سینا بی طاریق، اکبر بی نوروزی، ستار بی سلیمی و سیاره خانیم رشتبری کیمین معصوم انسانلاری وطن یولوندا شهید وئردیک. آیریجا یوزلرجه قهریمان فعالیمیز رژیمین زیندانلاریندا حبس اولونوب شیکنجه لره معروض قالدیلار و میللی حقلریمیز ایچین شاللاقلار یئدیلر. بو عزیزلریمیزین بیر چوخو هله ده دوستاقلاردادیرلار. بعضیلری عباس لسانی کیمین زینداندان زیندانا سوروگون اولوبلار...بیر چوخ آرخاداشیمیز ائلمان نوری، هادی حمیدی شفق، رضا داغستانی، علی عباسی، ائلیاز یکانلی، عسکر اکبرزاده... کیمین موباریز اینسانلار هله ده تورمه لرده دیرلر... بو یولدا گوزلریمیز قان - یاشلا، دولماسا اولماز!
+
یازیلیب دیر پنجشنبه یکم فروردین 1387 ساعات 1:54 چاغلا باریشماز
|
